ಕಾರ್ಟೂನ್ ಕಾರ್ನರ್

ಮಾತನಾಡುವ ಕಣ್ಣುಗಳು...!!

ಅಂದ ಸುಗಂಧ ಹೂಗಳ ಭಾಷೆ...
ಜುಳು-ಜುಳು ಕಲರವ ನದಿಗಳ ಭಾಷೆ...

ಮುಚ್ಚಿ ತೆರೆದರೆ ಉಷೆ...
ತೆರೆದು ಮುಚ್ಚಿದರೆ ನಿಶೆ...
ಅತಿ ಶೀತಲ.. ಅತಿ ಕೋಮಲ...


ನೋಡಿ ತಣಿವುದು ತೃಷೆ...
ಮತ್ತೆ ಮತ್ತೇರಿ ನಶೆ...
ಅವು ಮಾದಕ... ಸಂವಾಹಕ....


ಕಣ್ಣ ನೋಟದಲೆ ಕವಿತೆ..
ನೋಟದಾಟದಲೆ ಚರಿತೆ...
ಅತಿ ರೋಚಕ.. ಮನ ಮೋಹಕ...


ಹೌದು ಚೆಲುವೆ....
ನಿನ್ನ ನಯನಗಳೂ ಮಾತನಾಡುತ್ತವೆ...
ಆದರೆ, ಯಾವುದು ಅವುಗಳ ಭಾಷೆ...??
ನಾನೇನು ಮಹಾ...
ಅರಿಯದೇ ಕುಳಿತಿರುವನಂತೆ ಸ್ವತಃ ಬ್ರಹ್ಮ..
ಹೋಲಿಕೆಗೆ ನಿಂತರೆ ಪ್ರತಿ ಶಬ್ದವೂ ಕ್ಲಿಶೆ...

ಕಾರ್ಟೂನ್ ಕಾರ್ನರ್

ಕಾರ್ಟೂನ್ ಕಾರ್ನರ್

ಕಾರ್ಟೂನ್ ಕಾರ್ನರ್

ಪ್ರೇಮಿಯೋ...?? ಪರಿಸರ ಪ್ರೇಮಿಯೋ..??

ಇಲ್ಲೊಬ್ಬ ವಿಚಿತ್ರ ಪ್ರೇಮಿಯಿದ್ದಾನೆ... ಬರೀ ಪ್ರೇಮಿ ಮಾತ್ರವಲ್ಲ... ಪರಿಸರ ಪ್ರೇಮಿಯೂ ಹೌದಂತೆ...!! ಪ್ರೇಯಸಿಯ ಮೇಲೆ ತನಗಿರೋ ಪ್ರೀತಿಯ ಅಗಾಧತೆ ಎಷ್ಟೆಂದು ವ್ಯಕ್ತಪಡಿಸಿದಂತೆಯೂ ಆಯ್ತು, ಜನರಿಗೆ ಕಾಗದ ಮತ್ತು ವಿದ್ಯುತ್ ಮಿತವಾಗಿ ಬಳಸಿ ಅಂತ ಸಂದೇಶ ಕೊಟ್ಟ ಹಾಗೆಯೂ ಆಯ್ತು ಅಂತ ಒಂದು ಕವಿತೆ ಬರೆದಿದ್ದಾನೆ... ನಿಮಗೆ ಹೇಗನ್ನಿಸಿತು.....?? ಹೇಳ್ತೀರಾ ಅಲ್ವಾ...??

ದೂರದೂರಿನ ಗೆಳತಿ...
ಮನದ ಭಾವನೆಗಳನೆಲ್ಲ
ನಿನ್ನಲ್ಲಿ ಹೇಳಿಕೊಳ್ಳುವ ಆಸೆ...
ಆದರೆ, ಪತ್ರ ಬರಿಯೆಂದು
ಮಾತ್ರ ನೀ ಹಠ ಮಾಡಬೇಡ...
ಭೂಮಿ ಮೇಲಿನ...
ಮುಕ್ಕಾಲು ಪಾಲು ಮರಗಳು...
ಖಾಲಿಯಾದಾವು....!!

ಮಿಂಚು ಕಂಗಳ ಒಡತಿ...
ನಿನ್ನೊಲುಮೆಯಿಂದಲೇ
ಬಾಳು ಬೆಳಗಿ ಮರೆಯಾಗುತಿರೆ ನಿಶೆ...
ಮತ್ತೆ, ದೀಪ ಬೆಳಗೆಂದು
ಮಾತ್ರ ನೀ ಗೋಗರೆಯಬೇಡ...
ಕಣಿವೆ ಕಾನನಗಳಲಿ
ಹರಿಯೊ ನದಿ ನೀರೆಲ್ಲ
ಬತ್ತಿ ಹೋದಾವು...!!

"ನಾಮ್" ಕೆ ವಾಸ್ತೇ...!!

ಕಾವಿ.... ಖಾದಿ....!!

"ಮಂಗನಿಂದ ಮಾನವ..."
ಅಂದನಂತೆ..
ಸೈಂಟಿಸ್ಟ್ ಡಾರ್ವಿನ್ನ...
ಆದರೆ ಇದು ಉಲ್ಟಾ
ಅಂತ ಅನ್ಸುತ್ತೆ...
ನೋಡ್ದಾಗ...
ಕಾವಿ ಖಾದೀನಾ...!!

ಪ್ರೀತಿಯ ಲೆಕ್ಕಾಚಾರ...!!

ಅಧರ ಅಧರಗಳ
ಮಧುರ "ಸಂಕಲನ"...
ಸಮಕ್ಷಮ..ಸಮಾಗಮ
ವ್ಯಥೆಯ "ವ್ಯವಕಲನ"
ಮುತ್ತು ಗುಣಿಲೆ ಹತ್ತು..
ನಿಲ್ಲದ "ಗುಣಾಕಾರ"
ಮತ್ತು ಬಾಗಿಲೆ ಹೊತ್ತು
ಗೆಲ್ಲದ "ಭಾಗಾಕಾರ"...
ನಿನ್ನಲ್ಲಿ ನನ್ನ
ಕೂಡಿ-ಕಳೆದು..
ಗುಣಿಸಿ - ಭಾಗಿಸಿದರೂ..
ಉಳಿದಿದ್ದು..
ಒಂದೇ ಉಸಿರು…
ಒಂದೇ ಕನಸು…
ಒಂದೇ ಪ್ರಾಣ…

ಬಲು ವಿಚಿತ್ರ..
ಈ ಪ್ರೀತಿಯ ಲೆಕ್ಕಾಚಾರ

ಕಾರ್ಟೂನ್ ಕಾರ್ನರ್