Wednesday, 21 July 2010

ಜುಗಲಬಂಧಿ


ಚಿಟಪಟನೆ ಸಾಕ್ಷಿಯಾಗೆ ಮುಂಗಾರಿನ ಮಳೆಹನಿ
ಅರ್ಭಟದಿ ಸಾಥ್ ನೀಡೆ ಆ ಗುಡುಗಿನ ಮಾರ್ಧನಿ
ಅರಿವಾಗದೆ ನಡೆಯಲಿ ಬಿಡು
ನನ್ನ ಕಣ್ಣ ನಿನ್ನ ಕಣ್ಣ ನಡುವೆ ಜುಗಲಬಂಧಿ

ನಡೆವ ಬಾ ಹಿಡಿದು ಕೈಯ್ಯ ಮಳೆಯಲಿ ನಾವ್ ನೆನೆಯುತ
ಮರೆವ ಬಾ ಜಗವ ಜೊತೆಗೆ ಮುತ್ತ ಮಳೆಯ ಸುರಿಸುತ
ಉರಿದು ನಮ್ಮ ಹಳಿದರೇನು
ನನ್ನ ಒಲವ ನಿನ್ನ ಚೆಲುವ ನೋಡಿ ಜಗದ ಮಂದಿ
ನಶೆಗಡಲನು ಕಡೆಯಲಿ ಬಿಡು
ನನ್ನ ಅಧರ ನಿನ್ನ ಅಧರ ನಡೆಸಿ ಜುಗಲಬಂಧಿ

ಬರೆವ ಬಾ ಹೊಸದು ಗೀತೆ ಒಲವ ಉಯ್ಯಾಲೆಯ ಜೀಕುತ
ಕಲಿವ ಬಾ ಹೊಸದು ರಾಗ ನೂರು ವ್ಯಥೆಯ ದೂರ ನೂಕುತ
ಎದೆಯ ವೀಣೆ ತಂತಿ ಮಿಡಿದು
ನನ್ನ ನಿನ್ನ ಹೊಸ ಬಾಳ್ವೆಗೆ ಹಾಡುವ ನಾವ್ ನಾಂದಿ
ಎಡೆಬಿಡದೆ ನಡೆಯಲಿ ಬಿಡು
ನನ್ನುಸಿರಿಗು ನಿನ್ನುಸಿರಿಗು ನಡುವೆ ಜುಗಲಬಂಧಿ

46 comments:

  1. nimma jugalbandi uttama adake nanna salam...

    ReplyDelete
  2. ಮಳೆಯಲ್ಲಿ ಸಂಗಾತಿಯೊಡನೆ ಜೋಕಾಲಿ ಜೀಕುತ್ತಾ ಜುಗಲ್ ಬಂದಿ ಹಾಡಿ ಸ್ವರ್ಗಕ್ಕೆ ಕಿಚ್ಚು ಹಚ್ಚಿದ್ದೀರಿ.ಒಳ್ಳೆಯ, ಖುಷಿಕೊಡುವ ಕವನ.ಧನ್ಯವಾದಗಳು.

    ReplyDelete
  3. ದಿಲಿಪ್...

    ವಹ್.. !!!

    ಸಂಗಾತಿಯೊಡನೆಯ ನವಿರಾದ ಭಾವನೆಗಳು..
    ಹೊಸ ಭರವಸೆಗಳು..ಕನಸುಗಳು..
    ಬಹಳ ಚೆನ್ನಾಗಿ ವ್ಯಕ್ತವಾಗಿವೆ..

    ಅಭಿನಂದನೆಗಳು ಚಂದದ ಕವನಕ್ಕೆ...

    ReplyDelete
  4. nimmella kanasugalu, bayakegalu nanasaagali..

    chandada kavanakke dhanyavaadagalu.

    ReplyDelete
  5. ಇಂಥ ಮಳೆ, ಸಂಗಾತಿ, ಜೋಕಾಲಿ, ಜುಗಲ್‍ಬಂದಿ, ಎಲ್ಲವೂ ಸೂಪರ್. ಯಾವುದೋ ಲೋಕಕ್ಕೆ ಕರೆದೊಯ್ಯುವಂತಿದೆ.
    ಸೂಪರ್ ದಿಲೀಪ್.

    ReplyDelete
  6. tumba chennagide kava....really superb!!!!

    ReplyDelete
  7. ಅಬ್ಬಬ್ಬಾ,ಏಷ್ಟು ಮಧುರ,ಮಾದಕ ಜುಗಲಬಂದಿಗಳನ್ನು ನೆನೆದಿದ್ದೀರಿ.
    ನಿಮ್ಮ ಆಸೆಗಳೆಲ್ಲಾ ಫಲಿಸಲಿ!

    ReplyDelete
  8. ದಿಲೀಪ್,
    ಸು೦ದರ ಕನಸುಗಳು ನನಸಾಗಿ, ಸು೦ದರ ನಲಿವಿನ ಜೀವನ ನಿಮ್ಮದಾಗಲಿ..ಕವನವನ್ನು ತು೦ಬಾ ಚೆನ್ನಾಗಿ ಬರೆದಿದ್ದೀರಿ.
    ಮೊದಮೊದಲು ನನ್ನ ಇ೦ಟರ್ ನೆಟ್ ಸಮಸ್ಯೆ ಯಿ೦ದಾಗಿ ನಿಮ್ಮ ಬ್ಲೊಗ್ ಗೆ ಬರಲಾಗಿರಲಿಲ್ಲ..blog open agtiralilla.. :(

    ReplyDelete
  9. ಧನ್ಯವಾದಗಳು ಉದಯ್

    ReplyDelete
  10. ನನ್ನುಸಿರಿಗು ನಿನ್ನುಸಿರಿಗು ನಡುವೆ ಜುಗಲಬಂಧಿ..!
    nice one Dileep..
    ನಿಮ್ಮವ,
    ರಾಘು.

    ReplyDelete
  11. ಜುಗಳಬಂಧಿಯ ಸುಂದರ ಕವನ ಮನವನ್ನ ಮುದಗೊಳಿಸಿತು. ಬಹು ಚೆಂದದ ಆಶಯದ ಕವನ. ಕೊನೆಯ ಸಾಲು ಖುಷಿಯಾಯಿತು.

    ReplyDelete
  12. ದಿಲೀಪ್ ಸರ್,
    ತುಂಬಾ ಸುಂದರ ಸಾಲುಗಳು...ಕವನದಲ್ಲಿ ಅಡಗಿರುವ ನಿಮ್ಮ ಭಾವನೆಗಳು ಸುಂದರವಾಗಿವೆ. ನಿಮ್ಮ ಕನಸೆಲ್ಲ ನನಸಾಗಲಿ...
    [ಕ್ಷಮಿಸಿ,ನಿಮ್ಮ ಬ್ಲಾಗ್ ನೋಡೇ ಇರಲಿಲ್ಲಾ. ಇವತ್ತೇ ನೋಡಿದ್ದು. ಎಲ್ಲಾ ಪೋಸ್ಟುಗಳನ್ನು ಓದ್ತಾ ಇದ್ದೀನಿ]

    ReplyDelete
  13. sir kavanavannu naavu oduvaaga nammannu elligo karedukondu hoda anubhava.....

    ReplyDelete
  14. ನಮಸ್ತೆ ಮೂರ್ತಿ ಸರ್... ಮಳೆಯೇ ಹಾಗೆ.. ಸ್ವರ್ಗಕ್ಕೆ ಕಿಚ್ಚು ಹಚ್ಚಲು ಪ್ರೇರೇಪಿಸುತ್ತದೆ.. ಮೆಚ್ಚಿ ಪ್ರತಿಕ್ರಿಯಿಸಿದ್ದಕ್ಕೆ ಧನ್ಯವಾದಗಳು...

    ReplyDelete
  15. ನಮಸ್ತೆ ಪ್ರಕಾಶಣ್ಣ..
    ಹೊಸ ಭಾವನೆಗಳ, ಭರವಸೆಗಳ, ಕನಸುಗಳ ಜುಗಲ್ ಬಂಧಿ ಸಾಂಗೋಪಾಂಗವಾಗಿ ಸಾಗಿದೆ..
    ಚೆಂದದ ಪ್ರತಿಕ್ರಿಯೆಗಾಗಿ ಧನ್ಯವಾದಗಳು

    ReplyDelete
  16. ಧನ್ಯವಾದಗಳು ಮಾನಸಾ ಮೇಡಂ..

    ReplyDelete
  17. ಧನ್ಯವಾದಗಳು ವಿ. ಆರ್. ಭಟ್ ರವರೆ..
    ಕವನ ಮೆಚ್ಚಿ ಪ್ರತಿಕ್ರಿಯಿಸಿದ್ದಕ್ಕೆ ಮತ್ತು Go Ahead ಅಂತ ಹಸಿರು ನಿಶಾನೆ ನೀಡಿದ್ದಕ್ಕೆ..

    ReplyDelete
  18. ಚುಕ್ಕಿ ಚಿತ್ತಾರ..
    ಕವನ ಮೆಚ್ಚಿ ಹಾರೈಸಿದ್ದೀರಿ.. ಧನ್ಯವಾದಗಳು.. ತಮ್ಮ ಹಾರೈಕೆ ಸದಾಕಾಲ ನಮ್ಮೊಡನೆ ಇರಲಿ...

    ReplyDelete
  19. ಧನ್ಯೋಸ್ಮಿ ಶಿವು ಸರ್..
    ಕವನ ಬೇರೆಯದೇ ಲೋಕಕ್ಕೆ ಕರೆದೊಯ್ಯುವಂತಿದೆ ಅಂತ ತಿಳಿದು ತುಂಬಾ ಖುಷಿಯಾಯ್ತು..
    ಮೆಚ್ಚಿ ಪ್ರತಿಕ್ರಿಯಿಸಿದ್ದಕ್ಕೆ ಧನ್ಯವಾದಗಳು..

    ReplyDelete
  20. ಧನ್ಯವಾದಗಳು ಮನಸು ಮೇಡಂ..

    ReplyDelete
  21. ನಮಸ್ತೆ ಸುನಾಥ್ ಸರ್..
    ಮಳೆಯಲ್ಲಿ ಮೂಡಿದ ಭಾವನೆಗಳಿಗೆ ಅಕ್ಷರ ರೂಪ ನೀಡಿದ್ದೇನೆ ಅಷ್ಟೇ..
    ಮಧುರವಾಗಿಯೂ, ಮಾದಕವಗಿಯೂ ಮೂಡಿ ಬಂದಿದ್ದರೆ ನನ್ನ ಪ್ರಯತ್ನ ಫಲ ಕೊಟ್ಟಂತೆ..
    ತಮ್ಮ ಆಶಿರ್ವಾದ, ಪ್ರೀತಿ ಹಾರೈಕೆಗಳು ಇನ್ನಷ್ಟು ಬರೆಯಲು ಪ್ರೇರಕ.. ಧನ್ಯವಾದಗಳು..

    ReplyDelete
  22. ದಿಲೀಪ್ ,
    ಚೆನ್ನಾಗಿದೆ ನಿಮ್ಮ ಕವನ .. ಜುಗಲಬಂಧಿ ಬರಿ ಕವನದಲ್ಲಷ್ಟೆ ಅಲ್ಲ .. ಜೀವನದಲ್ಲು ಇದೆ ..
    ಅತ್ತ ನಿಮ್ಮಾಕೆಯದು ಮಲ್ಲಿಗೆ ಕವನ ಇತ್ತ ನಿಮ್ಮದು ಮಧುರ ಕನಸಿನ ಕವನ ..ಒಳ್ಳೆ ಸಾಥ ..ಒಳ್ಳೆ ಜುಗಲ್ ಬಂಧಿ :)

    ReplyDelete
  23. ದಿಲೀಪ್...
    ನಿಜ್ಜ ಕವನ ತುಂಬಾ ಸುಂದರವಾಗಿದೆ....
    "ಬರೆವ ಬಾ ಹೊಸದು ಗೀತೆ ಒಲವ ಉಯ್ಯಾಲೆಯ ಜೀಕುತ...
    ಕಲಿವ ಬಾ ಹೊಸದು ರಾಗ ನೂರು ವ್ಯಥೆಯ ದೂರ ನೂಕುತ...."
    ಸಾಲುಗಳು ಮತ್ತೆ ಮತ್ತೆ ಓದಿಸಿಕೊಂಡವು... ಸೂಪರ್...
    ಶ್ಯಾಮಲ

    ReplyDelete
  24. ಮನಮುಕ್ತಾ ಮೇಡಂ
    ನಮಸ್ತೆ.. ಇಂಟರ್ ನೆಟ್ ಸಮಸ್ಯೆ ಇದ್ರೂ ನನ್ನ ಕವನ ಓದಿ,ಮೆಚ್ಚಿ ಪ್ರತಿಕ್ರಿಯಿಸಿದ್ದೀರಿ..
    ತಮ್ಮ ಹಾರೈಕೆಗೆ ಧನ್ಯವಾದಗಳು...

    ReplyDelete
  25. ಗುರುಮೂರ್ತಿ ಸರ್..
    ಧನ್ಯವಾದಗಳು

    ReplyDelete
  26. ಪ್ರವೀಣ್
    ತುಂಬಾ ಥ್ಯಾಂಕ್ಸ್

    ReplyDelete
  27. ಸೀತಾರಾಮ್ ಸರ್..
    ಜುಗಲಬಂಧಿಯನ್ನು ಮುದದಿಂದ ಓದಿ ಪ್ರತಿಕ್ರಿಯಿಸಿ ನನ್ನನ್ನೂ ಮುದಗೊಳಿಸಿದ್ದಕ್ಕೆ ಅನಂತ ನಮನಗಳು..

    ReplyDelete
  28. ಅಶೋಕ್
    ಹನಿಹನಿಗೆ ಸ್ವಾಗತ
    ನಮ್ಮ ಭೇಟಿ ಆಗಿದ್ದು ಕವನ ಪ್ರಪಂಚದಲ್ಲಿ.. ಅಲ್ಲಿ ಪೋಸ್ಟ್ ಮಾಡುವ ಕವನಗಳನ್ನೇ ಇಲ್ಲಿಯೂ ಮಾಡುತ್ತೇನೆ.. ಅಲ್ಲಿ ಪ್ರತಿಕ್ರಿಯಿಸಿ ನೀವು ಕೊಡುತ್ತಿರುವ ಪ್ರೋತ್ಸಾಹಕ್ಕೆ ಹಾಗು ಇದೀಗ ನನ್ನ ಬ್ಲಾಗ್ ಗೂ ಭೇಟಿ ನೀಡಿದ್ದಕ್ಕೆ ತುಂಬಾ ಥ್ಯಾಂಕ್ಸ್.. ಆಗಾಗ ಬರುತ್ತಿರಿ

    ReplyDelete
  29. ಪ್ರವರ
    ಹನಿಹನಿಗೆ ಸ್ವಾಗತ
    ಕವನ ಮೆಚ್ಚಿ ನಿಮ್ಮ ಅನುಭವವನ್ನ ಹಂಚಿಕೊಂಡಿದ್ದಕ್ಕೆ ತುಂಬಾ ತುಂಬಾ ಥ್ಯಾಂಕ್ಸ್.. ಆಗಾಗ ಬರುತ್ತಿರಿ...

    ReplyDelete
  30. ರಘು
    ಕವನ ಮೆಚ್ಚಿ ಪ್ರತಿಕ್ರಿಯಿಸಿದ್ದಕ್ಕೆ ತುಂಬಾ ಥ್ಯಾಂಕ್ಸ್..

    ReplyDelete
  31. ಶ್ಯಾಮಲಾ ಮೇಡಂ
    ನಮಸ್ತೆ.. ಮೊದಲ ಕೆಲವು ಸಾಲುಗಳನ್ನು ಬರೆದು ಕವನ ಮುಂದುವರೆಸಲಾಗದೆ ಹಾಗೇ ಬಿಟ್ಟಿದ್ದೆ..ನಂತರ ಮತ್ತೆ ಕುಳಿತು ಕವನ ಪೂರ್ತಿಗೊಳಿಸಿದೆ.. ಕವನದ ಸಾಲುಗಳು ಮತ್ತೆ ಮತ್ತೆ ಓದುವಂತಿವೆ ಅಂದರೆ ನನ್ನ ಪ್ರಯತ್ನ ಫಲಿಸಿತು ಅಂತಾಯ್ತು..ತಮ್ಮೆಲ್ಲರ ಹಾರೈಕೆ ಆಶೀರ್ವಾದ ಸದಾ ಹೀಗೆಯೇ ಇರಲಿ..
    ಧನ್ಯವಾದಗಳು..

    ReplyDelete
  32. ಶ್ರೀಧರ್ ಸರ್..
    ಹಹ್ಹಹ್ಹ.. ಸರಿಯಾಗಿ ಗಮನಿಸಿದ್ದೀರಿ.. ಇಬ್ಬರ ಜುಗಲಬಂಧಿ ಅಬ್ಬರದಿಂದ ಸಾಗಿದೆ..ತಮ್ಮೆಲ್ಲರ ಪ್ರೀತಿಯ ಹಾರೈಕೆ ಜೊತೆಗಿದೆ...
    ಧನ್ಯವಾದಗಳು

    ReplyDelete
  33. ನನ್ನುಸಿರಿಗು ನಿನ್ನುಸಿರಿಗು ನಡುವೆ ಜುಗಲಬಂಧಿ..ಸಕತ್ ಕಲ್ಪನೆ!
    ಕವನ ಮನಕೆ ಮುದ ನೀಡಿತು ದಿಲೀಪ್.

    ಶುಭಾಶಯಗಳು
    ಅನ೦ತ್

    ReplyDelete
  34. Hi Dileep..

    aha.. estu chandavagi kannu tuti... galu jugal bandiyadive.. neevu jugalbandi vivarisida reethi...super

    istavaythu

    pravi

    ReplyDelete
  35. ಈ 'ಜುಗಲ್ ಬ೦ಧಿ' ಎ೦ದಿಗೂ 'ಜಗಳ್ ಬ೦ಧಿ'ಯಾಗದಿರಲಿ ದಿಲೀಪ್! ಕವನ ಭಾವಪೂರ್ಣವಾಗಿದೆ

    ReplyDelete
  36. ಅನಂತರಾಜ್ ಸರ್
    ಕವನ ಓದಿ ಮುದಗೊಂಡಿದ್ದು ತಿಳಿದು ತುಂಬಾ ಖುಷಿಯಾಯ್ತು
    ಪ್ರತಿಕ್ರಿಯೆಗೆ ಧನ್ಯವಾಗಗಳು

    ReplyDelete
  37. ಪ್ರಭಾಮಣಿ ಮೇಡಂ
    ಹಾರೈಕೆಗೆ ಹಾಗೂ ಕವನ ಮೆಚ್ಚಿ ಪ್ರತಿಕ್ರಿಯಿಸಿದ್ದಕ್ಕೆ ಧನ್ಯವಾದಗಳು..

    ReplyDelete
  38. ಪ್ರವೀಣ್..
    ಜುಗಲಬಂಧಿಯನ್ನು ಇಷ್ಟಪಟ್ಟು ಪ್ರತಿಕ್ರಿಯಿಸಿದ್ದಕ್ಕೆ ಧನ್ಯವಾದಗಳು

    ReplyDelete